Rais Xi ahimiza ujenzi wa mambo ya kisasa kupata mafanikio mapya

Rais Xi Jinping wa China, ambaye pia ni katibu mkuu wa Kamati Kuu ya Chama cha Kikomunisti cha China (CPC) na mwenyekiti wa Kamati Kuu ya Kijeshi ya China (CMC), akitoa hotuba muhimu katika mkutano wa kukumbuka miaka 100 ya kuzaliwa kwa marehemu Qiao Shi aliyekuwa Spika wa Bunge la Umma la China, katika Jumba la Mikutano ya Umma la Beijing, Desemba 16, 2024. (Xinhua/Ju Peng)

BEIJING - Rais wa China Xi Jinping ametoa wito wa kufanya juhudi za kupata mafanikio mapya siku hadi siku kwenye njia ya ujenzi wa mambo ya kisasa ya nchi ya kijamaa, mafanikio ambayo yanatakiwa kustahimili majaribu ya historia na wakati na kutimiza matarajio ya wananchi.

Rais Xi, ambaye pia ni katibu mkuu wa Kamati Kuu ya Chama cha Kikomunisti cha China (CPC) na mwenyekiti wa Kamati Kuu ya Kijeshi ya China (CMC), alisema hayo alipohutubia mkutano uliofanyika Jumatatu kukumbuka miaka 100 ya kuzaliwa kwa marehemu Qiao Shi aliyekuwa spika wa bunge la umma katika Jumba la Mikutano ya Umma la Beijing.

Rais Xi ametoa wito wa kujifunza kutoka kwa mwenendo mzuri wa Qiao wa kushikilia imani yake na matumaini yake bila kulegalega.

Huku akizungumzia uelewa thabiti wa Qiao juu ya chama, Rais Xi amesisitiza kwamba wanachama wa Chama wanapaswa kupata ufunuo kutokana na juhudi zake za kuboresha mienendo ya Chama na kufuata nidhamu kwa makini.

Ametoa wito wa kujifunza kutoka kwa sifa maalum ya Qiao ya kutii nia kuu ya kuanzishwa kwa Chama na kufanya kazi kwa bidii kwa kuwahudumia wananchi.

Dhamira ya kisiasa ya Qiao ilidhihirika kutokana na azma yake ya kufanya mageuzi na ujasiri wa kufanya vitendo, Xi amesema.

Ametoa wito wa kufanya juhudi za kujifunza kutoka kwa Qiao katika utafutaji wake wa kuheshimu na kuhimiza utawala wa kisheria.

Rais Xi pia ametoa wito kwa wanachama wa Chama kujifunza kutoka kwa mwenendo wa kazi wa Qiao wa kutafuta ukweli kutokana na hali halisi.

Mkutano wa kukumbuka miaka 100 ya kuzaliwa kwa marehemu Qiao Shi aliyekuwa Spika wa Bunge la Umma la China umefanyika katika Jumba la Mikutano ya Umma la Beijing, Desemba 16, 2024. (Xinhua/Li Xueren)